Urdu Ghazal by Maulana Hasrat Mohani | Husn Be-Parwa Ko Khud Been-o-Khud Aara Ker Dia

Urdu Ghazal by Maulana Hasrat Mohani | Husn Be-Parwa Ko Khud Been-o-Khud Aara Ker Dia

Here is the best collection of Urdu Ghazals by famous poet Maulana Hasrat Mohani. Read one of his best ghazals “Husn Be-Parwa Ko Khud Been-o-Khud Aara Ker Dia” in Urdu with Ghazal SMS in Roman Urdu. If you like, please share with your friends as much as possible on social media.

حُسن بے پرواہ کو خودبین و خود آرا کر دیا

حُسن بے پرواہ کو خودبین و خود آرا کر دیا 

کیا کیا میں نے کہ اظہار تمنا کر دیا 

بڑھ گئیں کچھ تم سے مل کر اور بھی بے تابیاں 

ہم یہ سمجھے تھے کہ اب دل کو شکیبا کر دیا 

پڑھ کے تیرا خط مِرے دل کی عجب حالت ہوئی 

اضطرابِ شوق نے اِک حشر برپا کر دیا 

ہم رہے یاں تک تِری خدمت میں سرگرمِ نیاز 

تُجھ کو آخر آشنائے نازِ بے جا کر دیا 

اب نہیں دل کو کسی صُورت کسی پہلو قرار 

اس نگاہِ ناز نے کیا سحر ایسا کر دیا 

عشق سے تیرے بڑھے کیا کیا دلوں کے مرتبے 

مہر ذروں کو کیا قطروں کو دریا کر دیا 

کیوں نہ ہوں تیری محبت سے مُنور جان و دل 

شمع جب روشن ہوئی گھر میں اُجالا کر دیا 

تیری محفل سے اُٹھاتا غیر مُجھ کو کیا مجال 

دیکھتا تھا میں کہ تُو نے بھی اشارہ کر دیا 

سب غلط کہتے تھے لطفِ یار کو وجہِ سکون 

دردِ دل اُس نے تو حسرتؔ اور دُونا کر دیا

Best Ghazal SMS

Husn Be-Parwa Ko

Husn be-parwa ko khud been-o-khud aara ker dia

Kia kia mein ne keh izhaar-e-tamanna ker dia

Barh gaein kuch tum se mil ker aur bhi be-tabiyan

Hum ye samjhy thy keh ab dil ko shakeeba ker dia

Parh k tera khat mery dil ki ajab haalat hoi

Iztaraab-e-shoq ne ik hashar barpaa ker dia

Hum rahy yan tak teri khidmat min sar garam-e-niaz

Tujh ko aakhir aashna-ey naaz-e-bejaa ker dia

Ab nahi dil ko kisi soorat kisi pehloo qaraar

Iss nigah-e-naaz ne kia saher aisa ker dia

Ishq se tery barhey kia kia diloon k rutbay

Maher zaron ko kia qatron ko darya ker dia

Qion na hon teri mohabat se munawar jan-o-dil

Shama jab roshan hoi ghar min ujalaa ker dia

Teri mahfil se uthata ghair mujh ko kia majaal

Dekhta tha mein keh tu ne bhi ishaara ker dia

Sub ghalt kehty thy lutf-e-yaar ko waja-e-sukoon

Dard-e-Dil uss ne to Hasrat! aur doona ker dia