Urdu Poetry in Urdu Ghazal by Jigar Muradabadi | Ek Lafz Mohabbat Ka Adna Ye Fasana Hai

Urdu Poetry in Urdu Ghazal by Jigar Muradabadi | Ek Lafz Mohabbat Ka Adna Ye Fasana Hai

Find best ghazal collection of the poet Jigar Muradabadi. He was a famous poet of his era. Read one of his best Urdu ghazals “Ek Lafz Mohabbat Ka Adna Ye Fasana Hai” with Ghazal SMS in Roman Urdu. If you like, please share with your friends as much as possible on social media.

اک لفظ محبت کا ادنیٰ یہ فسانا ہے

اک لفظ محبت کا ادنیٰ یہ فسانا ہے 

سمٹے تو دل عاشق پھیلے تو زمانا ہے 

یہ کس کا تصور ہے یہ کس کا فسانا ہے 

جو اشک ہے آنکھوں میں تسبیح کا دانا ہے 

دل سنگ ملامت کا ہر چند نشانا ہے 

دل پھر بھی مرا دل ہے دل ہی تو زمانا ہے 

ہم عشق کے ماروں کا اتنا ہی فسانا ہے 

رونے کو نہیں کوئی ہنسنے کو زمانا ہے 

وہ اور وفا دشمن مانیں گے نہ مانا ہے 

سب دل کی شرارت ہے آنکھوں کا بہانا ہے 

شاعر ہوں میں شاعر ہوں میرا ہی زمانا ہے 

فطرت مرا آئینا قدرت مرا شانا ہے 

جو ان پہ گزرتی ہے کس نے اسے جانا ہے 

اپنی ہی مصیبت ہے اپنا ہی فسانا ہے 

کیا حسن نے سمجھا ہے کیا عشق نے جانا ہے 

ہم خاک نشینوں کی ٹھوکر میں زمانا ہے 

آغاز محبت ہے آنا ہے نہ جانا ہے 

اشکوں کی حکومت ہے آہوں کا زمانا ہے 

آنکھوں میں نمی سی ہے چپ چپ سے وہ بیٹھے ہیں 

نازک سی نگاہوں میں نازک سا فسانا ہے 

ہم درد بہ دل نالاں وہ دست بہ دل حیراں 

اے عشق تو کیا ظالم تیرا ہی زمانا ہے 

یا وہ تھے خفا ہم سے یا ہم ہیں خفا ان سے 

کل ان کا زمانہ تھا آج اپنا زمانا ہے 

اے عشق جنوں پیشہ ہاں عشق جنوں پیشہ 

آج ایک ستم گر کو ہنس ہنس کے رلانا ہے 

تھوڑی سی اجازت بھی اے بزم گہ ہستی 

آ نکلے ہیں دم بھر کو رونا ہے رلانا ہے 

یہ عشق نہیں آساں اتنا ہی سمجھ لیجے 

اک آگ کا دریا ہے اور ڈوب کے جانا ہے 

خود حسن و شباب ان کا کیا کم ہے رقیب اپنا 

جب دیکھیے اب وہ ہیں آئینہ ہے شانا ہے 

تصویر کے دو رخ ہیں جاں اور غم جاناں 

اک نقش چھپانا ہے اک نقش دکھانا ہے 

یہ حسن و جمال ان کا یہ عشق و شباب اپنا 

جینے کی تمنا ہے مرنے کا زمانا ہے 

مجھ کو اسی دھن میں ہے ہر لحظہ بسر کرنا 

اب آئے وہ اب آئے لازم انہیں آنا ہے 

خودداری و محرومی محرومی و خودداری 

اب دل کو خدا رکھے اب دل کا زمانا ہے 

اشکوں کے تبسم میں آہوں کے ترنم میں 

معصوم محبت کا معصوم فسانا ہے 

آنسو تو بہت سے ہیں آنکھوں میں جگرؔ لیکن 

بندھ جائے سو موتی ہے رہ جائے سو دانا ہے

Best Ghazal SMS

Ek Lafz Mohabbat Ka Adna Ye Fasana Hai

Ek lafz mohabbat ka adna ye fasana hai

Simtey to dil aashiq phaley to zamana hai

Ye kis ka tasawur hai ye kis ka fasana hai

Jo ashk hai aankhon min tasbeeh ka dana hai

Dil sang malamat ka her chand nishaana hai

Dil pher bhi mera dil hai dil hi to zamana hai

Hum ishq k maroon ka itna hi fasaana hai

Roney ko nahi koi hans-ney ko zamana hai

Wo aur wafa dushman manein ge na mana hai

Sub dil ki shararat hai aankhon ka bahana hai

Sha-er hon mein sha-er hon mera hi zamana hai

Fitrat mera aaina qudrat mera shana hai

Jo un pe guzarti hai kis ne ussy jaana hai

Apni hi museebat hai apna hi fasana hai

Kia husn ne samjha hai kia ishq ne jaana hai

Hum khak nashinoo ki thokar min zamana hai

Aaghaaz mohabbat hai aana hai na jaana hai

Ashkoon ki hakomat hai aahon ka zamana hai

Aankon min name si hai chup chup se wo baithy hin

Naazuk si nigahoon min naazuk sa fasaana hai

Hum dard ba dil naalan wo dast ba dil hairaan

Aey ishq tu kia zaalim tera hi zamana hai

Ya wo thy khafa hum se ya hum hin khafa un se

Kal un ka zamana tha aaj apna zamana hai

Aey ishq janoon paisha haan ishq janoon paisha

Aaj aik sitam gar ko hans hans k rulaana hai

Thori si ijaazat bhi aey bazm gah hasti

Aa nikley hin dam bhar ko rona hai rulana hai

Ye ishq nahi aasaan itna hi samajh lejiey

Ek aag ka darya hai aur doob ke jana hai

Khud husn o shabab un ka kia kam hai raqeeb apna

Jab dekhiey ab wo hin aaina hai shaana hai

Tasveer k do rukh hin jaan aur ghum janaan

Ek naqsh chuppana hai ek naqsh dikhana hai

Jeeney ki tamanna hai marney ka zamana hai

Mujh ko issi dhun min hai her lahza basar kerna

Ab aey wo ab aey lazim unhein aana hai

Khud-dari o mahroomi mahroomi o khud-dari

Ab dil ko Khuda rakhey ab dil ka zamana hai

Ashkoon k tabassum min aahoon k tarannum min

Masoom mohabbat ka masoom fasaana hai

Aansoo to bahot se hin aankhon min Jigar laiken

Bandh jaey so mooti hai rah jaey so daana hai