Best Urdu Ghazal by Altaf Hussain Hali ~ Ranj Aur Ranj Bhi Tanhaai Ka

Best Urdu Ghazal by Altaf Hussain Hali ~ Ranj Aur Ranj Bhi Tanhaai Ka

Here is the best ghazal collection of famous poet Altaf Hussain Hali. Read one of his best Urdu ghazals “Ranj Aur Ranj Bhi Tanhaai Ka” with Ghazal SMS in Roman Urdu. If you like, please share with your friends as much as possible on social media.

ر نج اور ر نج بھی تنہائی کا

رنج اور رنج بھی تنہائی کا

وقت پہنچا مری رسوائی کا

عمر شاید نہ کرے آج وفا

کاٹنا ہے شب تنہائی کا

تم نے کیوں وصل میں پہلو بدلا

کس کو دعویٰ ہے شکیبائی کا

ایک دن راہ پہ جا پہنچے ہم

شوق تھا بادیہ پیمائی کا

اس سے نادان ہی بن کر ملئے

کچھ اجارہ نہیں دانائی کا

سات پردوں میں نہیں ٹھہرتی آنکھ

حوصلہ کیا ہے تماشائی کا

درمیاں پائے نظر ہے جب تک

ہم کو دعویٰ نہیں بینائی کا

کچھ تو ہے قدر تماشائی کی

ہے جو یہ شوق خود آرائی کا

اس کو چھوڑا تو ہے لیکن اے دل

مجھ کو ڈر ہے تری خود رائی کا

بزم دشمن میں نہ جی سے اترا

پوچھنا کیا تری زیبائی کا

یہی انجام تھا اے فصل خزاں

گل و بلبل کی شناسائی کا

مدد اے جذبۂ توفیق کہ یاں

ہو چکا کام توانائی کا

محتسب عذر بہت ہیں لیکن

اذن ہم کو نہیں گویائی کا

ہوں گے حالیؔ سے بہت آوارہ

گھر ابھی دور ہے رسوائی کا

Best Ghazal SMS

Ranj Aur Ranj Bhi Tanhaai Ka

Ranj aur ranj bhi tanhaai ka

Waqt poncha meri ruswai ka

Umer shayed na kary aaj wafa

Kaatna hi shab tanhaai ka

Tum ne qiun wasl min pahloo badla

Kis ko daawa hi shakebaai ka

Aik din rah pa ja ponchy hum

Shoq tha baadia paimaai ka

Uss se nadaan hi ban ker milye

Kuch ajaraa nahi danaai ka

Saat pardon min nahi thehrti aankh

Hosla kia hi tamashaai ka

Darmiyan paey nazar hi jab tak

Hum ko daawa nahi beenai ka

Kuch to hi qadar tamashaai ki

Hi jo ye shoq khud aarai ka

Us ko chorra to hi laiken aey dil

Mujh ko darr hi teri khud raai ka

Bazm dushman min na jee se utra

Pochna kia teri zebaai ka

Yahi anjaam tha aey fasl-e-khazan

Gul o bulbul ki shanasaai ka

Madad aey jazba-e-tofeeq k yaan

Ho chukka kaam tawanaai ka

Mohtasib uzzur bahot hin laiken

Izen hum ko nahi goyaai ka

Hon gey Haali se bahot aawara

Ghar abi door hi ruswaai ka