Urdu Poetry in Urdu Ghazal by Jigar Muradabadi | Be-rabt Husn o Ishq Ye Kaif o Asar Kahan

Urdu Poetry in Urdu Ghazal by Jigar Muradabadi | Be-rabt Husn o Ishq Ye Kaif o Asar Kahan

Find best ghazal collection of poet Jigar Muradabadi. He was the most famous poet of his era. Read one of his best Urdu ghazals “Be-rabt Husn o Ishq Ye Kaif o Asar Kahan” with Ghazal SMS in Roman Urdu. If you like, please share with your friends as much as possible on social media.

بے ربط حسن و عشق یہ کیف و اثر کہاں

بے ربط حسن و عشق یہ کیف و اثر کہاں 

تھی زندگی عزیز ، مگر اس قدر کہاں 

تیرے بغیر رونقِ دیوار و در کہاں 

شام و سحر کا نام ہے شام و سحر کہاں 

کیا جانیے، خیال کہاں ہے، نظر کہاں 

تیری خبر کے بعد پھر اپنی خبر کہاں 

ہر جلوہء جمال ہے برقِ گریز پا 

اے دل ! یہاں تجلیِ بارِ دگر کہاں 

مانا کہ محتسب بھی بڑا با شعور ہے 

لیکن اسے نزاکتِ غم کی خبر کہاں 

مل کر ہجومِ جلوہ میں خود جلوہ بن گئی 

پہونچا ہے کس جگہ سے مقامِ نظر کہاں 

آج اِس کی مہمان ہے ، کل اُس کی مہماں 

اس خانماں خرابِ محبت کا گھر کہاں 

کہنے کو اہلِ علم کی کوئی کمی نہیں 

لیکن خود اپنی فکر ، خود اپنی نظر کہاں 

ترکِ تعلقات کو مدت گزر چکی 

ظالم ترے خیال سے پھر بھی مفر کہاں 

ہر اعتبارِ دوست پہ صدقہ ہزار جان 

لیکن وہ کیفِ وعدہء نا معتبر کہاں 

عرصہ ہوا کہ رسمِ محبت بدل گئی 

دامن سے وہ معاملہء چشمِ تر کہاں 

ہر گام پر ہے منزلِ نو جستجو طلب 

جاتا ہے سر اُٹھائے ہوئے بے خبر کہاں 

صد عشرتِ نگاہِ مسلسل ، خوشا نصیب! 

لیکن لطافتِ نگہِ مختصر کہاں 

ہر چند کائناتِ دو عالم میں ، اے جگرؔ! 

انساں ہی ایک چیز ہے، انساں مگر کہاں

Best Ghazal SMS

Be-rabt Husn o Ishq Ye Kaif o Asar Kahan

Be-rabt e husn o ishq ye kaif o asar kahan

Thi zindgi azeez magar iss qadar kahan

Tery baghair ronaq-e-deewar o dar kahan

Sham o sahar ka naam hai sham o sahar kahan

Kia janiey, khayal kahan hai, nazar kahan

Teri khabar ke baad pher apni khabar kahan

Her jalwa e jamaal hai barq-e-guraiz paa

Aey dil! Yahan tajalli-e-barid e gar kahan

Mana keh mohtasib bhi barra ba-shaoor hai

Laiken ussy nazakat-e-ghum ki khabar kahan

Mil ker hajoom-e-jalwa min khud jalwa ban gai

Ponch hai kis jagah se maqam-e-nazar kahan

Aaj is ski mehmaan hai, kal us ki mehmaan

Is khan-maan kharab e mohabbat ka ghar kahan

Kehney ko ahl-e-ilm ki koi kami nahi

Laiken khud apni fiqr, khud apni nazar kahan

Tark-e-taalluq ko muddat guzar chuki

Zaalim tery khayal se pher bhi mafar kahan

Her aitbaar-e-dost pe sadqa hazaar jaan

Laiken wo kaif-e-wada e na motabir kahan

Arsa howa keh rasm-e-mohabbat badil gai

Daman se wo moamla-e-chashm e tar kahan

Her gaam per hai manzil-e-naw just-joo talab

Jata hai sar uthaey hoey be-khabar kahan

Sad ishrat-e-nigah e musalsal, khosha naseeb!

Laiken latafat-e-nigah e mukhtasar kahan

Her chan kainaat-e-do aalam min, aey Jigar!

Insaan hi aik cheez hai, insaan magar kahan